''Ացիոնէ Քաթթոլիքա'' շարժումի հանդիպումը`Ընտանիքի նիւթին մասին։

(Ռատիօ Վատիկան) Հինգշաբթի, 8 հոկտեմբերի երեկոյեան ժամը 7.00ին, Հռոմի մէջ ՝՝Ացիոնէ Քաթթոլիքա՝՝ եկեղեցական շարժումի կեդրոնատեղիին մէջ տեղի կ՝ունենայ հանդիպում - զրոյց որուն ընթացքին կը շօշափուին ընտանիքին մասին  գումարուած  եպիսկոպոսական սիւնհոդոսին նիւթերը։

Հանդիպումի ներշնչման աղբիւր հանդիսացած է Ֆրանչիսկսո Պապի ընտանիքի մասին յայտարարութիւնները որոնք ամփոփուած  եւ հրատարակուած են ''Ընտանիք. Ֆրանչիսկոսի խօսքերը'' վերտառութեամբ գիրքի մէջ,''Ավէ'' հրատարակչատան կողմէ։

Գիրքին հեղինակներն են  Եպիսկոպոսական Սիւնհոդոսին իրենց մասնակցութիւնը բերող` Տիար Ֆրանքօ Միանօ ու անոր կողակից Ճուզեփփինա Տէ Սիմոնէն։

Ընտանիքի մասին հանդիպումին ներկայ կը գտնուին Փերուճիա թեմի եւ Փիեւէ Քաղաքին արքեպիսկոպոս Կարդինալ Կուալթիերօ Պասսէթթի, Երուսաղեմի Լատինաց Պատրարք Գերերջանիկ Ֆուատ Թուալ եւ այլ եկեղեցական բարձրաստիճան անձնաւորութիւններ։

Նշենք թէ նախատեսուած է  նմանօրինակ այլ երկու հանդիպումներ  զոր տեղի պիտի ունենան  15 եւ 22 հոկտեմբերին։